Maayong adlaw kaninyong tanan! Kini si Pastor Len sa programang Panaghiusa ug Pagpasig-uli.

Miingon si Apostol Pablo sa 2 Corinto 5:17 nga:

17 “Kay bisan kinsa nga nahiusa kang Cristo, bag-o na siyang binuhat.”

18 “Gibuhat sa Dios kining tanan ug siya usab ang nagpasig-uli kanato ngadto kaniya pinaagi kang Cristo…”

19 “Maoy among mensahe nga ang Dios pinaagi kang Cristo nagpasig-uli sa tanang tawo ngadto sa iyang kaugalingon. Ang Dios wala na mag-isip sa ilang mga sala…”

Kaguwapo ra no? Ang bisan kinsa kuno nga nahiusa kang Kristo, bag-o na nga pagkatawo. Gihiusa na kuno kita sa Diyos pinaagi ni Kristo. Gipasig-uli na kuno kita sa Diyos pinaagi ni Kristo. Duha ka punto: gihiusa ug giapasig-uli — mao kini ang gibuhat sa Diyos pinaagi ni Kristo. Mao kini ang maayong balita! Ang Diyos unang milihok aron kita mahiusa aron mahiuli pagbalik ang atong maayong relasyon diha sa Diyos. Maayong balita kini: gihiusa na kita ug gipasig-uli sa Diyos pinaagi ni Hesu Kristo.

Ang pangutana na lang nga nabilin mao kini. Andam na ba kita nga makighiusa ug makig-uli sa Diyos diha kang Kristo? Andam na ba kitang makighiusa ug makig-uli sa atong mga kaigsoonan ug mga silingan?

Miingon si Apostol Pablo sa bersikulo 20: “Sa ngalan ni Cristo, naghangyo kami kaninyo nga makig-uli kamo sa Dios.”

Mao kini si Pastor Len nagahisgot bahin sa Panaghiusa ug Pagpasig-uli diha kang Kristo. Maayong adlaw kaninyong tanan!

Pwede paminawon ang mensahe diri (2 min 47 sec) : click here.

Background Music:  “What a Beautiful Sunset – radio mix!”
Exzel Music Publishing (freemusicpublicdomain.com)
Licensed under Creative Commons: By Attribution 3.0
http://creativecommons.org/licenses/by/3.0/